MERKA.- ‘Revamp’ i ‘Restoration’ lo subi merkado dia 6 di aprel próksimo. Ambos lo kontené kansionnan for di e lista largu di éksitonan di Elton John ku keda produsí huntu ku e kompositor, Bernie Taupin.
Revamp lo kontené kansionnan di Mary J Blig, Alessia Cara, Coldplay, Miley Cyrus, Lady Gaga, Pink, Demi Lovato, Ed Sheeran, Sam Smith entre otro.
‘Nos tin dos diferente albùm: ‘Revamp’ ta esun ku músika pòp i e otro ‘Restoration’ lo tin músika country. Dios, nos tin asina tantu artista grandi interpretando nos kansionnan, e ta algu inkreibel’, asina John a indiká den un komunikado. ‘Pa ‘Revamp’ ma skibi un lista di persona ku mi lo tabata ke i a puntra nan. Pa mi sorpresa un mayoria di nan a bisa si’.