Polis a detené no ménos ku 25 persona durante di parada grandi

WILLEMSTAD.-Den un informe ofisial polis di Aruba ta duna relato kon a bai ku e parada grandi (gran marcha) ku a finalisá ku kimamentu di rei momo. E marcha grandi di Oranjestad a ranka sali eksaktamente 11’or di mainta bou di guia di SMAC huntu ku kuerpo polisial. Polis a detené 25 persona. E detenshonnan tabata entre otro pa bringamentu, no sigui òrdu di polis, ofendé polis, buracheria, poseshon di droga i arma blanku. Kompará ku 2025 por nota un kambio den sentido ku na 2025 polis a hasi 36 detenshon durante di mesun evento.

Tabatin un total di 200 personal di polis riba pia. Diferente departamento di Kuerpo Polisial a traha huntu entre otro Polis Uniformá, ME, Motor Unit, K-9 , Mobiel Commando, O.C.C., Flex team, Tráfiko, planologie, departamento di recherche, personal atministrativo i tambe personal di CEA.

Pa 5:46 di atardi e kabes di e parada a yega eks-DOW i  pa  8:20 di anochi e lastu parti a yega su final. Pa 9:44 di anochi den Harbour Arena a kima e momo i asina Carnaval 72 a yega su final.