ORANJESTAD.-Aruba ta registrá morto den tráfiko. Ayera nochi, mas o ménos 3:35 am sentral di polis a haña notifikashon di un aksidente di tráfiko ku a tuma lugá na altura di Catiri. E promé patruya ku a yega na e sitio a pidi asistensia di ambulans mesora mirando seriedat di e kaso. Djis despues a pidi presensia di dòkter tambe na e sitio.

Pa 4:51 am dr. Texier a a konstatá morto di dos persona. Ta trata di G.E. Ledezma Carruyo nase na Venezuela 26 novèmber 1985 i un hende muhé I.  Goicochea Angulo nase na Cuba 5 mei 2001.

Spesialista di tráfiko i polis tékniko a yega na e sitio pa hasi nan investigashon. Slachtofferhulp tambe a acudi na e sitio pa brinda sosten na e famianan ku ta involukrá den e aksidente grave aki.

Cuerpo Policial Aruba ta manda palabra di profundo kondolensia na famia di víktimanan. Un mensahe na tur shofùr pa bai trankil den tráfiko. Bo famia ta warda bo na kas.