WILLEMSTAD.- E ekipo Little League di Aruba a titulá kampion di Torneo Creme de la Creme. Den final nan a gana di Tra’i Seru, miéntras ku Montaña Ariba a finalisá na di tres lugá.

 Den Minor, Sta. Maria, Tra’i Seru i Sta. Maria 2 a titulá kampion, sup kampion i di tres lugá. Den Pre-Minor e ekiponan di Brievengat, Sta. Maria, i Trai Seru a okupá e puestonan di honor, segun e sekuensia menshoná.

 Den Batting Tee, Montagne Abou, Marchena, i Tra’i Seru a titulá kampion, sup kampion i di tres lugá.

 E ekiponan ku a sali mas disipliná, den Little St. Michiel, den Minor Van Engelen, den Pre-Minor Marchena i den Batting Tee e ekipo di Jandoret.

Danki

Komishon organisadó di torneo internashonal di baseball Creme de la Creme, ta gradisí un i tur ku a pone ku e torneo 2018 a bira un éksito. Spònsernan ku ta APC, Banco Central, Lovers, Coca Cola, Cursoft i Robuco Curacao NV, prensa en general, umpire i skorernan. Tambe direktiva di Liga Willemstad, Liga Pariba i Liga Pabou Little League, dirigente i téknikonan di e ekiponan ku a partisipá, tur fanátiko, mayornan, tur hóben ku a partisipá. Mas aleu komishon ke gradisí e ekipo di Senior League Kampeon Mundial komo esnan ku  e torneo a keda dediká na dje.

 Urny Floran ta trese dilanti ku e komishon por mira bèk riba un aña basta difísil pero ta agradesido di por a kumpli ku meta di e torneo, di duna posibilidat pa mas hóben por partisipá na un torneo internashonal.