Despues di tiru ‘toque de queda’ ta kuminsá 2’or

ORANJESTAD.-Na Aruba gobièrnu a disidí pa bolbe introdusí ‘toque de queda’ di 11’or anochi te 5’or di mainta. Ta kuminsá ku ‘toque de queda’ mayan 30 desèmber. Dia 31 12’or anochi ta kambio di aña i pa esei gobièrnu di Aruba ta hasi un eksepshon di manera ku e ‘toque de queda’ ta kuminsá 2or di mardugá na lugá di 11’or anochi, asina NoticiaCla ta informá.

Pa algun Aruba a stòp ku ‘toque de queda’ pero mirando e kasonan di Covid a disidí na bolbe introdusí e medida aki. Ademas di ‘toque de queda’ a bini ku medida pa sera negoshinan 10’or anochi ku eksepshon di hotèlnan. Por tin animashon ku músika solamente den restorantnan. Dia 31 di desèmber komo selebrashon di fin di aña, ta permití negoshinan tira vürwèrk dia 31 di desèmber te 3or atardi.