WILLEMSTAD.- Djabierne 29 i Djasabra 30 di yuni 2018, Aruba lo ta sede di e di kuater edishon di “Aruba Summer Music Festival”, ku ta konta ku un line-up super atraktivo tantu pa Karibe komo Latinoamericanonan i Norte americanonan.
Nos ta papia aki di “Ozuna, Nacho, Eddy Herrera, Felipe Pipe Peláez, Victor Manuelle i Fonseca” ku lo ta e artistanan principal ku lo presenta riba tarima e dianan ya menshona, sin lubida e artistanan lokal Buleria, D’-Licious i ‘N Fuzion.
Aruba Summer Festival lo tin komo sede e “Harbor Arena”, esaki ta konta ku un ekselente ubikashon den e sentro di siudat serka di waf di Oranjestad. E lugar aki ta kompletamente asfaltá, lokual ta hasie ideal pa un konsierto bailabel.
Djabierne 29 di yuni nos lo tin presentashon di Buleria, D’-Licious, ‘N Fuzion, Ozuna i Nacho.
Djasabra 30 di yuni ta konta ku presentashon di Eddy Herrera, Felipe Pipe Peláez, Victor Manuelle i Fonseca.
Ticket optenibel na Mensing’s Caminda i na Elite Travel & Tours na e tarifa spesial. Pa bo pakete di biahe ku ta inklui pasashi, hotel i entrada pa festival tuma kontakto ku Elite Travel & Tours.
“Pa Aruba Tourism Authority ta un plaser di por forma parti di e festival aki komo patronisador prinsipal. E meta di patronisa e festival ta pa atrae un kantidad grandi di turista for di e región Karibense i Latino Amerikano. Aruba ta konosi pa su kalendario di evento i e Aruba Summer Festival sigur ta uno hopi atraktivo pa nos bishitantenan”, asina Sra. Tita Iglesias di Ofisina di Turismo di Aruba a indika.
Pa mas informashon bishitá www.arubasmf.com , www.aruba.com, of e pagina di facebook https://www.facebook.com/arubasummermusicfestival
Produkshon general di e Festival aki ta den man di Elite Productions, Aruba Summer Music Festival ta wordu produsi pa Loco Lobo Productions, SD Concerts i patrosinador ofisial, Aruba Tourism Authority.
