BEIRUT, AP.- Grupo Estado Islámiko a tuma responsabilidat pa un atake ku a mata shete kombatiente di forsanan respaldá pa Merka na Manbij, na nort di Siria.
E atake kontra un puesto di kontròl ta indiká ku e ekstremistanan por sigui realisá atakenan mortal i ku ta lei di wòrdu derotá, apesar di a wòrdu ekspulsá for di e teritorio ku nan tabata kontrolá na Irak i Siria.
ISIS a tuma kontròl di vários atake kometé den último lunanan na Manbij i alrededor di esaki. Manbij a wòrdu deklará liber na 2016.
Sharfan Darwish, di Konseho Militar di manbij, a bisa ku e atake a sosodé den un entrada di manbij, kontra kombatientenan ku tabata kumpliendo “ku nan mishon di protehá” e pueblo.
Opservatorio Sirio pa derechi Humano, un organisashon ku sede na Gran Bretaña i kual ta monitòr e konflikto sirio a bisa ku tres kombatiente di Konseho Militar a resultá heridá.
ISIS a bisa ku a konfiská arma di e kombatientenan, respaldá pa Merka.
