ORANJESTAD.- Na Aruba a bati alarma awe den oranan lat di mainta, indikando ku un presu basta peligroso lo a hui for di prizon KIA. Ta trata di e hòmber Gerson Galsirio Martina nase na Kòrsou 13 di novèmber 1980.

Polis di Aruba den nan informe ofisial ta bisa ku e hòmber aki ta sintando su kondena pa atrako. E momentu ku e informashon a drenta na polis mesora a mobilisá tur outoridat pa buska e fugitivo aki. Tambe a kòrda tur hende ku kualke forma di yudansa ku un hende por duna na e fugitivo aki ta keda konsiderá komo un akto kastigabel pa Kódigo Penal. Art. 2:146 di Kódigo Penal ta papia di esun ku liberá òf yuda na liberashon di n persona ku tin un kastigu di prison ta kastigabel ku un máksimo di 4 aña di prison.

Ta den e kuadro ei ta urgí pueblo di Aruba pa asina ku nan tuma nota di paradero di e fugitivo pa yama e telefon: 11141. Ta garantisá anonimidat