WILLEMSTAD.- Ayera durante di oranan di anochi sentral di polis a risibí informashon ku lo mester tin un kaso di atrako ku a kaba di tuma lugá na un minimarket chines.
Na yegada di outoridatnan mesora a tuma nota ku ta trata di e mesun tienda chines ku a keda atraká algun dia atras i ku un biaha mas malechor (nan) a lòs bala na momentu di nan huida.
Na e sitio por a komprondé ku algun ratu promé dos hòmber kara tapá a yega na e sitio i bou di menasa ku arma di kandela nan a logra bai ku kahanan di sigaria, bòternan di alkohòl i tambe algu di plaka kèsh. Na momentu di nan huida e malechor (nan) lo mester a agredí un empleado na su kabes pa finalmente lòs algun tiru i hui den e hanchinan di Charo.
Na e sitio outoridatnan a konfiská algun huls ku a keda atras.
Testigunan na e sitio a indiká ku un di e atrakadornan lo mester tabata papia spañó.
Tim di atrako tambe a presentá na e sitio pa kontinuá ku demas investigashon.