WILLEMSTAD – Dos hòmber a kometé un atrako riba Flako’s na Caracasbaaiweg, kaminda nan a sorprendé trahadónan na momento ku nan tabata sera e negoshi. Na momentu di e atrako, e dos ladronnan a logra kita yabi di un Hyundai Accent for di e trahadónan i a hui ku e outo.

Segun informashon ku EXTRA a risibí, e dos hòmbernan a sorprendé e trahadónan na momento ku nan tabata kla pa bai kas. Despues di e atrako, e sospechosonan a bandoná e sitio ku e Hyundai Accent. Polis a yega na e sitio pa atendé e kaso i a kuminsá ku e promé investigashonnan. Debí na e kaso di e insidente aki, polis a pidi asistensia di e ekipo spesialisá den atrako pa sigui ku e investigashon. Te na e momento aki no ta konosí si e atrakadornan a logra bai ku otro pertenensia òf sèn durante e atrako. Tampoko no tin informashon tokante detenshon di sospechosonan. Polis ta investigando e kaso.