WILLEMSTAD – Un biaha mas kachónan los riba kaya ta kousa di un aksidente ménos mal sin daño personal pero si hopi daño material. Tabata awe mainta den Oranjestraat ku un shofùr di un vehíkulo di seguridat di MCB a hañ’e konfrontá ku kachó ku a krusa su dilanti. Pa evitá un choke ku e bestia, el a kita pa esaki pero a pèrdè kontrol, subi asera i dal den vários peon di betòn i tambe destruí vários Kliko den e kaya aki. Manera a indiká e shofùr no a sufri leshon pero daño material tabata konsiderabel.