ORANJESTAD.- Un avioneta procedente di Republica Dominicana pa Aruba, matricula, N23408; banda di 7.45pm, e piloto a avisa cu e no tin suficiente fuel y lo dicidi pa baha, e avioneta y esaki lo a crash den becindario di Alto Vista/Calbas. E capitan a manda e señal di auxilio, esta may-day-may-day y a laga sa cu e ta dal un buelta y lo trata di baha riba un beach eybanda. Pero esey e no a logra, pero e avioneta a caha den mondi di Calbas.

Tabatin 2 persona abordo y nan a sali for di e avioneta sano y salvo. Asina mes, nan a ser hiba cu ambulance pa Hospital pa un chequeo medico.

E avione ta un tipo Piper PA308. Asina cu e tore di control a capta e señal di may-day a avisa demas autoridadnan, cu un avioneta ta den problema y lo ta na altura di Alto Vista. A sigui despues un accion masha grandi mes. Pero manera por a conclui, no tabatin nada di lamenta. Mester interroga e personanan aki, sigur e capitan pa sa ta dicon el a lanta buelo cu poco combustible y kico tabata su meta final.