ORANJESTAD.- Informashon ku a kaba di drenta ta indiká ku un ratu pasa un avioneta a kai na Aruba. Outoridatnan na Aruba ta informá ku e avion tabata yegando Aruba for di Santo Domingo a kai na e área patras den mondi na Calbas. Segun e promé informashonnan, ta fuel lo a kaba i pone ku mesora e piloto a bati alarma na aeropuerto di Aruba. Ya kaba a mobilisá tur e diferente departamentonan pa atendé reskate di e dos pasaheronan na bordo. Por a komprondé ku e pasaheronan ta heridá pero nan ta na bida.