WILLEMSTAD.- Nos por bisa trankilamente ku tur kos ta praktikamente kla pa e di 8 edishon di Curaçao North Sea Jazz Festival 2018. Ku anunsio di e kambio di Sean Paul ayera nochi pa Daddy Yankee mester indiká ku partisipashon di tur sobra artista ta konfirmá i Kòrsou ta pendiente pa entrante awe nochi kuminsá disfrutá di tres dia di konsierto ku presentashon di artistanan di taya mundial ku lo subi tarima pa presentá. Ayera tardi EXTRA a bai tira un bista na e área di konsierto na WTC i bo mes por mira ku ta detayenan chikí ta loke ku falta. Keda pendiente pa e kobertura kompletu ku EXTRA ta bai duna na e evento.