WILLLEMSTAD.- Wild Cats dilanti den e seri final 3-2 di Beisbòl Dòbel A 3-2 lo enfrentá Santa Maria awe nochi den Tio Daou Ballpark. Djaweps dos siman pasá, djaweps dia 5 di òktober  e wega number 6 a keda di forfeit, debí ku Santa Maria Pirates no tabata kier subi tereno sin Curtje Doran. Umpirenan huntu ku FEBEKO a forfeit e wega na fabor di Wild Cats, ku a bira kampion 2017 pa algun dia. Despues di algun dia, pa ta mas eksakto 9 di òktober FEBEKO ta rektifiká i plania e wega pa djaweps 19 di òktober. No ta konosí ken lo picha awe nochi. Tin indikashon ku Wild Cats lo habri ku Sidney Antonia, pendiente pa e picher Carol Servania djasabra òf Carol Servania den relevo. Santa Maria tin Shair Lacrus pa habri òf Johan Rifaela ku Shair Lacrus den relevo. Tur dos ekipo ta kompletu i ta spera un bon públiko pa mira e wega.

...Johan Rifaela probabel habridó awe nochi pa Santa Maria, dos wega bon tirá den play-off...