ORANJESTAD.- Riba un dia manera awe, un dia 23 di december, 6 aña pasa, den oranan di madruga, e conocido personahe di television, no solamente na Aruba, pero tambe na Corsou y Hulanda, Poentje Castro a ser haya morto, asesina, dilanti porta di su cas.

6 Aña despues, pero te ainda e caso aki no ta soluciona, maske cu Ministerio Publico ta keda bisa cu e caso aki ta habri ainda.

Tabatin masha informacion ta circula y te cu a ser bisa, cu un di e sospechosonan, ta of tabata sera den KIA, di acuerdo cu e filmacion cu Husticia tin, pero te awe no tin nada nobo.

Maske ta ser bisa, cu crimen no ta paga, un dia e berdad lo bin dilanti, tog e amigonan ta kere cu nos por papia cu asesinato di Poentje Castro a bira un “gold case”.

Poentje Castro tabatin su programa “Un dia den bida”, cu nunca mas a ser re-emplaza y te awe hopi ta haya su falta.