WILLEMSTAD.- Kas di Kultura ta ekstendé un invitashon na tur lidernan di Grupo di Tambú na un enkuentro, awe djaweps, 19 di òktober pa 5.30’or di atardi na Kas di Kultura na Skalo. Tema dje enkuentro lo ta e aktividat di tur aña pa habri temporada di Tambú ku lo tuma lugá dia 28 di òktober na Hòfi Bill. Durante dje enkuentro aki lo duna tur informashon i lo probechá pa ranka number pa órden di presentashon mesora. Pa mas informashon por tuma kontakto ku Tico Balentien, asesor di músika na Kas di Kultura Kòrsou, na 434-7355 òf na 514-9444 pa konfirmá boso presensia.