WILLEMSTAD.- Ba pèrdè nan tremendo show na Rincon Cubano kaminda e ‘Asibikaashi’ ta biba?, awèl nan ta sigui.
Mañan djasabra i djadumingu for di 4 or di atardi pa 8 or di anochi nan lo ta na sede pa aseptá tur inskripshon. Sede ta na Montilonesweg # 21, ántes sede di Aloha.
Preis di inskripshon ta 200 florin, bo por paga esaki mesora ku inskribí òf fin di luna.
Kontribushon pa 2019 ta 1.150 florin pa adulto kual ta konsistí di dos marcha, Gran Marcha i Marcha di Despedida. Tur dos dia ta sòru pa tur kos pa bo, for ora bo yega djadumingu te ora bo disidí di bai kas djamars. Tur dos ta ‘all inclusive’!.
Tambe bo ta risibí invitashon pa e ‘Meet & Greet Jump In’, eksklusivamente pa miembronan di ‘E He He’, ku ta grátis i lo tin ‘eten en drinken’ pa no kaba.
‘E He He’ tin un spesial ku tambe ta ‘all inclusive’ spesial pa hóbennan ku ta bai skol. Uniko kos ku bo mester presentá ta un ‘schoolverklaring’ pa sa ku bo ta bayendo skol.
Si bo ke ta den, yega ... yega i inskribí!, djasabra i djadumingu di 4 or pa 8 or na sede.
Grupo ‘E He He’ ta den full swing!.