WILLEMSTAD.- The Real Unity Experience, "T.R.U.E.", ta un grupo musikal di hóben i organisashon ku ta traha ku hóbennan pa yuda mehorá i enrikesé nan bida pa medio di programanan edukativo, sosial i spiritual. Fabor di risibí athunto un biografia ku mas informashon.
T.R.U.E. ta organisando un konsierto di gòspel titulá "Back to School Concert", ku e meta pa enkurashá i motivá nos hóbennan, segun nan ta preparando pa drenta nan aña eskolar nobo.
“Nos ta deseá pa nos hóbennan bin huntu den un ambiente masha ameno pa nan disfrutá di bon músika gòspel i pa nan interkambiá ku otro. Invitashon spesial a bai pa hóbennan den diferente  institushon i  gruponan di persona deshabilitá pa nan tambe bin disfrutá di e anochi”.
E tremendo konsierto aki ta djasabra awor, 12 di ougùstùs, di 7:30 pa 10:30 pm, na Cine Rio, Suffissant. E konsierto lo ta un multikultural, ku partisipashon di diferente kantante.
Kantante invitá, ta Willy Rodriguez for di Ulanda.