MERKA.- Bad Bunny a demostrá ku e ta hasi loke ku gusta i ta resultá ku e portorikeño ta logra pa ta e artista mas skuchá riba un dia riba Spotify pa loke ta trata e aña aki logrando 78.18 mion di ‘plays’.
‘YHLQMDLG’: Yo Hago Lo Que Me Da La Gana’, título di su albùm ku a keda lansa dia 29 di febrüari último ta un dje produkshonnan mas sperá di su fanátikonan ku ta inkluí kolaborashon ku Daddy Yankee, Jowell & Randy, Ñengo Flow, Arcangel, Anuel AA, Myke Towers, Sech, Yaviah, Kendo Kaponi, Mora i Duki x Pablo Chill-E.
Benito Martinez Ocasio, e nòmber ofisial di Bad Bunny, ku solamente 25 aña i ku únikamente 4 aña di karera artístiko a kombertí su mes den un dje artistanan urbano mas popular di mundu ku miónes di siguidó riba retnan sosial.