WILLEMSTAD.– Resientemente 11 bailarin kompañá pa dosente bailarin Tessa van der Zande i hefe dosente Rita Koeks di e skol di baile‘ Dansschool Turning Point’ a biaha pa   Tampa pa partisipá na ‘Florida Dance Festival’.
Durante shete dia, seis ora pa dia  e bailarinnan ta sigui lès serka dosentenan hopi renombrá, den entre otro baile moderno, jazz, hip hop i  Bollywood dance. Banda di esei, e bailarinnan  ta sigui tambe lèsnan di  ‘repertoire’. Na final dje lèsnan, nan lo duna demostrashon durante di un presentashon.
Esnan ku finansieramente a hasi partisipashon na e festival posibel ta, Prins Bernhard CultuurFonds área di Karibe, Fundashon Dance Company Turning Point i Aqualectra.