ORANJESTAD.-Awe mainta, ora di Ulanda, e sekretario di estado ulandes enkargá ku salubridat Públiko Paul Blokhuis huntu ku presidente direktor di KLM Peter Elberts personalmente a bai presensia e momentu ku ta pone bakunanan kontra Covid-19 riba avion di KLM rumbo pa Aruba, asina NoticiaCla ta informa.

Den e pandemia aki tin paisnan grandi i poderoso ku ya kaba a kuminsá suministrá e bakuna na nan siudadanonan. E paisnan Aruba, Kòrsou, Sint Maarten i e islanan BES ta bini na remarke basta tempran pa nan tambe por dispone di e bakuna.

Na Aruba e ánimo ta haltu, mirando ku e bakunanan ta riba avion di KLM ku a sali Ulanda awe mainta.