WILLEMSTAD.- Den kuadro pa trese nos bailenan folklor den bario e organisashon ‘Dance Passion’ ta sigui ku su kursonan dia 10 i 11 di sèptèmber 2018 ku kurso básiko i avansá den bario di Bonam.
E lèsnan ta keda duná na Kas di Sosiedat Sta. Anna na Zuid Bonam. E kurso ta enserá bailenan manera wals, mazurka, dansa i fòks. E orario ta 7’or di anochi.
Tambe tin e oportunidat pa bin balia liber parti mainta, pa salú i kondishon.
Sí bo tin un klup di dama òf otro yama i traha un sita pa ‘Dance Passion’ bin i laga bo eksperensia kon bon baile ta. Ademas di tur e benefisionan ku baile tin, baile ta yuda den e parti sosial. Pa mas informashon yama òf app na 528 4302, 5645678, 5270613. (Bèl so 6982570)
Fb: dance passion / e-mail: thedancepassion@gmail.com .