WILLEMSTAD.- Fundashon Kas di Kultura den estrecho koperashon ku Kor Maestronan Penshoná a presentá djasabra anochi un konsierto den Teatro Luna Blou ku a konta ku bon asistensia di parti di públiko.
E konsierto ku a hiba di título ‘Ban bèk ku legria i gratitut rekordá nos hubentut’ a resultá un resital di kantikanan ku den pasado tabata éksitonan grandi pa músika antiano. E kor a duna un tremendo presentashon i ta un dje kornan di Kòrsou ku na momentu ku nan tin presentashon ta bale la pena pa bo asistí i disfrutá di nan presentashon.