WILLEMSTAD.- Djadumingu 1e yüli 2018, Kòrsou kompleto ta keda invitá pa bin selebrá 20 aña di Grupo Happy Youth in Jesus. Happy Youth in Jesus ta un grupo hubenil ku tin komo meta pa hóbennan desaroyá nan mes riba vários  áreanan den nos komunidat, entre otro e área sosial, spiritual, deportivo, kultural i estatal pa asina e hóben por deskubrí su mes den e mundu di awe.
Den kuadro di 20 aña di grupo Happy Youth in Jesus, Kòrsou kompleto ta keda invitá na un tremendo Ban Topa Bandera.
E tremendo Ban Topa Bandera  lo tuma lugá djadumingu, 1e yuli 2018 na Klup di Shell kuminsando pa 8’or di anochi i lo terminá 1’or di mardugá. Entrada ta 10 florin serka miembronan i 15 florin na porta.
Lo ta un enkuentro sosial yená ku ambiente, sorpresa i entretementu musikal, lo tin presentashon riba esenario di Grupo HPA, Grupo Orírí, Grupo Kompèr i tambe presentashon di kantando Mayo 2018 Furgell Wijngaarden. Lo bai tin un bar i kushina bon surtí a la Banda Bou.
Buska bo karchi awe mes serka miembronan di Grupo Happy Youth In Jesus, pa mas informashon tuma kontakto ku Clint Gosepa na telefòn 525-6447.
Bin un bini tur na Ban Topa Bandera ku Grupo Happy Youth In Jesus.