WILLEMSTAD.-  E konosido trombonista ulandes, May Peters ku regularmente sa bishitá Kòrsou djabièrnè último a bira víktima di robo di su trombon ku tabata den su outo ku tabata stashoná na skina di Ansinghstraat den Pietermaai.
E trombon di marka ‘Conn Constellation’ tabata hinká den un tas pretu spesial pa trombon dje marka ‘Protec C-239’.
For di 1994 May ta residensiá na Puerto Rico, e aña aki ta di 5 biaha ku May Peters ta bin toka den Festival di Tumba.
Bo por imaginá bo mes ku e pèrdida dje trombon aki ta un enorme pa un músiko pashoná manera May. Komo músiko profeshonal May a toka na 28 pais komo trombonista ku entre otro Glenn Miller Orchestra, la Sonora Ponceña, Eddie Santiago, Plena Libre, ku e flùitista surinameño Ronald Snijders, Lalo Rodríguez, el Gran Combo, pero tambe ku Gregory Colina i su formashon musikal, Co Co Gre Gre Big Band.
Ku e trombon aki el a graba e CD Tributo ‘Tambor y Trombon en Clave de Mujer Boricua’, un homenahe na e kompositornan femenino portorikeño.
Tin un rekompensa pa e persona ku por debolbé e trombon i e tas pretu na May Peters.