WILLEMSTAD.-Fundashon Desaroyo Deporte Kòrsou a kumpli ku nan ophetivo i a sòru pa hopi hende a move den e siman tras di lomba. Awe djasabra tabatin diferente aktividat deportivo ku a tuma lugá. Manera EXTRA a informá anteriormente, a kombertí Wilhelminaplein den un kacha grandi di basket, miéntras ku na otro sitionan tabatin atletismo i karate.

EXTRA a kubri tur e aktividatnan aki pa asina trese nan pa komunidat. Hóbennan a gosa inmensamente di atletismo, karate i basket. Tur esaki a tuma lugá den kuadro di “Sports Week” organisá pa FDDK. Mas detaye den edishon di EXTRA.