WILLEMSTAD.- Djasabra 28 òktober lo tin e estreno di e obra teatral familiar “Belinda laba Limpi” 2.30’or i 5’or di atardi na La Tentashon.
Tabatin un biaha un mucha muhé hopi bon hende yamá Belinda ku tin un sekreto skondí. Belinda ta un mucha muhé humilde ku ta laba paña ya asina e por yuda hendenan ku tin kosnan hopi importante pa hasi. Riba un dia e la konosé un mucha hòmber Bartolo. Bartolo ta un kuidadó di kabai i e promé biaha ku nan a topa nan a gusta otro.
Señora Nanishi Punta, un señora masha poderoso i riku, huntu ku su kria Bombokati ta bai serka Belinda pa esaki laba su pañanan. Komo e pañanan ta keda limpi limpi, señora Nanishi Punta ta yega na un magnífiko idea. Kiko lo ta idea di Nanishi Punta? Kua sekreto Belinda tin?
No pèrdè e magnífiko obra aki skibi pa e Argentina, María Inés Falconi, tradusí na papiamentu pa Diana Lebacs i dirigí pa Franklin Salgado di Arawak Teatro.
Karchi ta optenibel na Zona Kultural (teatro Luna Blou). Pa mas informashon por yama 462-2209.

https://youtu.be/oOwdTwMB_ac