WILLEMSTAD.- Públiko a pidi i Bella Festa ta kumpli. Dia 26 di desèmber próksimo WTC lo ta esenario pa e selebrashon di klousura di aña 2018; Bella Festa Black & Gold Edition. Mirando e gran impakto ku Ephrem J i su banda internashonal a laga atras resientemente, a keda komprobá ku no solamente fanátikonan a gosa di e espektákulo musikal pero ku definitivamente nan ta ansioso pa mas. Netamente esaki ta e motibu prinsipal ku mesora a forma un ekipo zetá pa kumpli ku deseo di e míles di fanátikonan aki. P’esei dia 26 di desèmber, Dos dia di Pasku, WTC lo ta e esenario pa un ambiente di kita sombré. Den un esfera spesial i glamuroso al estilo “Black and Gold”, bo por presensiá i disfrutá di e mihó repertorio musikal presentá pa e mihó bandanan musikal. E repertorio speshal di ERA un biaha mas lo sòru pa e ambiente manera ERA so por. Den e antesala, Grupo Extra lo tei direktamente for di República Dominicana ku nan hitnan “Hoy se bebe” i muchu mas. Ephrem J lo ripití i gana ku tur su hitnan, tantu den e género di bachata komo esnan lokal manera “Asina mes”. E anochi lo sera ku un ‘after party’ ku nada mas i nada ménos ku agrupashon musikal GENTZ, ku sin duda a bini ta demostrá di ta vèrsá den pone un bon ambiente. Karchinan ya ta na benta na Mensing, Tik Tak, Beep Beep i na sede di Grupo di Karnaval ViseVèrsa (Gosieweg 56). Pa sekshon VIP e biaha aki tin diferente opshon. TUR opshon lo ta ‘All in’. Pues, buska bo karchi lihé i forma parti di Bella Festa. E fiesta glamuroso ku ambiente nèchi.