MERKA.- Den un entrevista Eddie Murphy, 58, a indiká ku pa di kuater bia lo e interpretá e ròl di e reshèrshe, Axel Foley. ‘Si, esei ta loke nos ta bai hasi despues di ‘Coming to America 2’, asina e aktor merikano a bisa indikando ku despues di ‘Beverley Hills Cop 4’ e tin plan di bai hasi ‘stand-up comedy’.
Aktualmente Murphy ta grabando ‘Coming to America 2’, kaminda e ta bolbe interpretá e ròl di e prínsipe afrikano, Akeem, aserka interpretando algun ròl mas. ‘Coming to America 2’ ta pendiente pa aparesé riba pantaya mei mei di 2020.
Mañan, 4 di òktober tin e estreno di ‘Dolemite is my Name’, un biografia di e kómiko Rudy Ray Moore ku Murphy ta aparesé den dje.
Luna pasá Murphy a indiká ku den 2020 lo e bai ‘tour’ rònt Merka ku un ‘stand-up comedy’. Ta pendiente tambe pa dia 21 di desèmber próksimo pa Murphy aparesé den e programa ‘Saturday Night Live’, esaki despues di 35 aña.