MERKA.- Ayera Beyonce a hasi un ‘photo shoot’ ku su 2 yunan resien nasí i a publiká un dje potrètnan riba su página sosial.
E ohochinan, un hòmber i un muhé,  ku a kumpli ayera 1 luna tin komo nòmber ‘Sir Carter’ i ‘Rumi’.
Reakshonnan riba retnan sosial tabata miksto, e mayoria felisitando Beyonce i algun hende dunando opinion riba Beyonce su forma di kurpa na 1 luna despues di a duna lus na su ohochinan. Apart dje ohochinan, Beyonce i Jay Z tin ‘Blue Ivy’, nan yu muhé di 5 aña.