MERKA.- E eks drùmer di e kantante merikano Beyoncé, Kimberly Thompson, a kontinuá ku su lucha pa pidi un órden di korte pa evitá ku Beyoncé ta yega den su serkania, esaki debí ku e ta akus’é di bruheria i organisá un kampaña den su kontra.
Segun su vershon, Beyoncé lo mester a hasi uso di bruheria ekstremadamente poderoso pa asesiná un pushi ku e tin komo maskota i tambe di instigashon seksual, ounke na niun momento e no ta revelá e motibunan ku Beyoncé a bai den su kontra.
Kimberly Thompson ta un eks integrante di e banda ku ta kompaña Beyoncé den su giranan i el a traha ku e kantante durante 7 aña. Segun su deklarashon, e kantante ta eksigí kontròl kompletu riba e imágen di esnan ku ta kompañé riba tarima.
Despues ku su petishon a keda rechasá, djárason último, 19 di sèptèmber, e drùmer lo tin un sita nobo ku hues den luna di òktober.