WASHINGTON, MERKA, AFP.- Presidente merikano Joe Biden a bisa djamars ku e ta kere ku presidente ruso Vladimir Putin a kalkulá e posibilidatnan pa okupá Ukrania malu.

Biden a atvertí siman pasá ku mundu ta kore rísiko di un “Armageddon”, deskribí komo remarkenan no usual i direkto tokante e peligernan pa sobrá parti di mundu si Putin usa armanan nuklear pa yuda Rusia okupá Ukrania.

Biden a añadí ku segun e, Putin a pensa ku e lo wòrdu risibí ku brasa habrí na Ukrania pero el a balotá e resistensia di e pais.

Den e último simannan, forsanan di Kiev a gana terenonan bèk, ku su kontra atakenan kontra sòldatnan di Rusia na parti sùit i ost di e pais. Presidente di Ukrania, Volodymyr Zelensky a bisa djabièrnè ku su trupanan a rekuperá kasi 965 mia kuadrat den e kontra atake ku a kuminsá na fin di luna pasá.

Pero e ministerio di Defensa di Ukrania a bisa djaluna ku Rusia a tuma represaya ku bombardeonan masivo den Ukrania, alkansando e kapital Kiev pa promé biaha den vários luna.

Despues di e atakenan aki, Washington a primintí mas defensa aéreo i Alemania lo entregá e promé eskudo antimisil Iris-T, kapas di protehá un siudat.

...Imágen publiká pa Polis Nashonal di Ukrania despues di un atake ku misil riba un edifisio ku apartamentu na Zaporizhzhia...