Alicia Keys, Bad Bunny, Luke Combs i Post Malone lo presentá...

MERKA.- E kanal di televishon NBC i Dick Clark Productions a anunsiá e siman aki e partisipashon di Alicia Keys, Bad Bunny, Luke Combs i Post Malone den e espektákulo ku lo keda transmití bibu for di teatro Dolby na Los Angeles dia 14 di òktober próksimo.

E entrega dje galardon di Billboard lo mester a tuma lugá originalmente den luna di aprel 2020, pero a keda posponé pa motibu dje krísis di Corona vírus ku a paralisá tur espektákulo bibu i produkshonnan di sine i televishon.

Kelly Clarkson lo ta e anfitrion di Billboard i Garth Brooks lo risibí e ‘Premio Ikono’.

E 16 nominashonnan di Malone ta inkluí mihó artista maskulino, mihó artista di Rap i e máksimo honor di e anochi, mihó artista. Pa e galardon aki tambe ta kompetí Billie Eilish, Taylor Swift, Khalid i Jonas Brothers.