Bonaire a konosé su promé beibi di aña dia 2 di yanüari 2022 eksaktamente 11:07 di mainta i ku ta pisa 3200 Gram. Ayera Maduro & Curiel’s Bank (Bonaire) N.V., a bishitá e promé beibi di aña. Manera kustumber, MCB a opsekiá e beibi G’Shaïno un bunita regalo. E pòtrèt ta mustra momentu ku Sra. Lily-Ann Domacassé, a bai hasi bishita i hasi entrega di e regalo na beibi G’Shaïno den kompania di su mama Shantelie, tata Gerdien, ruman Niösha i un representante di Fundashon Mariadal.