MERKA.- Ta parse ku Blac Chyna tin problemanan finansiero i pa resolvé esaki el a post riba Instagram ku e ta ofresé servisio di promoshon.
E eks frei di Rob Kardashian a anunsiá ku e ta disponibel pa promové kualke produkto, marka òf servisio, pero despues di algun ora el a ‘delete’ e mensahe sin splikashon.
E buskamentu di trabou segun informashon ta sigurá ku sin Kardashian na su banda, e eks bailarina eksótiko no por kobra e sumanan haltu pa kada aparishon.
Segun informashon e tabata kobra mas di 30 mil dòler pa presentashon, pero sin Kardashian aworakí e no ta wòrdu pagá un suma masha leu di 2 mil dòler, esaki ounke ku e ta eksigí 7 mil dòler.