MERKA.- Djaweps último a tuma lugá na Los Angeles e lansamentu ofisial di ‘Chyna Dolls’. Temporada di Pasku ta na kaminda i Black Chyna a duna un presentashon di su kolekshon di ‘Chyna Dolls’.

E pòpchinan imprentá “3D” ta keda presentá ku Chyna su estilo úniko di kabei, su atrasnan grandi i te hasta ku detayenan chikí manera su tattoo.

Ounke riba medionan sosial tin masha interogatorio relashoná ku e motibu dikon e eks ‘stripper’ a lansa un liña di pòpchi, e ta hañando masha atenshon ku su negoshi nobo den kolaborashon ku e empresa ‘MY3DNA’.

Ounke no ta konosí ainda kon e promoshon i benta pa e pòpchinan lo ta, e pregunta grandi lo ta si un mama lo kumpra un ‘Chyna Doll’ pa su yu muhé. Por sierto, kada un pòpchi su preis ta kuminsá na 75 dòler.