WASHINGTON, MERKA, AFP.- E hefe di diplomasia di Merka, Antony Blinken, a desmentí djaweps ku nan ta na punto di logra un akuerdo relashoná ku e programa nuklear di Iran i a afirmá ku e informashonnan publiká den media “no ta korekto”.
Vários medio di komunikashon a publiká resientemente ku Merka i Iran ta na punto di finalisá un akuerdo interino ku lo sostené e akuerdo nuklear di Iran di 2015, ku a wòrdu debilitá despues ku Washington a bandoná e akuerdo na 2018.
Iran tambe a ninga e informashon.
E potensianan oksidental a reanudá e negosiashonnan ku Iran pa loke ta trata e tópiko di e programa nuklear.
Un diplomátiko iraní a reuní ku representantenan franses, britániko i aleman na Abu Dhabi djaluna pa papia tokante asuntunan stratégiko, inkluyendo e programa nuklear di Iran, segun fuentenan diplomátiko.