WILLEMSTAD.- Pa segundo biaha  grupo Karnaval Bliss Curaçao ta trese un konsepto nobo! Grupo Bliss tin komo meta di hasi algu diferente den e Karnaval 2018. Pa logra esei e focus di Bliss ta riba e ambiente total,  trahe di kalidat i ehekushon di e bista total.
E palabra Bliss ta para pa “Perfect Happiness, Joy, a Euphoric State”, pens’é, un euforia pa hendenan kontentu gosa anto esei di mes tambe ku e ambiente total ku e banda, E.R.A., E Reinan di Ambiente.
Den e logo di Bliss por mira un flor “Lotus” ku ta simbolisá renasementu i rejuvenesimentu. Tambe ta mira e plumanan,  ku ta parti di nos Karnaval.  Tur esaki a inspirá Bliss e aña aki na e tema di Art Deco ku ta di orígen franses  ku a bira famoso na 1925 Paris despues di un eksibishon 'Internationale des Arts Décoratifs et Industriels Modernes'.

Art Deco su karakterístika ta su materialnan nobo i  luhoso, prendanan semi presioso i oro, diseñonan modifiká den forma strak i simpel. Art deco a nase for di industrialismo ku un meta pa inová tantu den mundu di moda, prenda, outo, arte  i arkitektura. Aki na Kòrsou nos konosé algun edifisio di era di Art Deco manera Cinelandia i West End.

Bliss ta un tim ku ta konsistí di 5 miembro ku kada un ku nan tareanan i responsabilidatnan pero tur hende ta yuda otro i pensa huntu pa asina krea un organisashon “Blissful”. E ta un tim hopi varia, diferente konosementu i eksperensia di por lo mínimo 20 aña,  pero hopi organisá i komprometé pa huntu logra e meta ku nan a pone nan dilanti.
Grupo Bliss ke hasi i lusi un biaha mas den Karnaval 2018, dor di presentá trahenan bunita i úniko ku un toke luhoso pero alabes liviano na kurpa. Pa Bliss ta hopi importante pa e trahenan ta traha di kalidat pa e ta duradero i mas konfortabel posibel pa bisti. Bliss su focus prinsipal ta riba un ambiente total i un trahe konfortabel.
E idea di Art Deco ta elaborá ku hopi bling i pluma ku ta fantasiá e simplesa i elegansia ku ta basha pa un preis pagabel i di bon kalidat, lusi ku hopi stenchi i pluma i tòg keda na un preis pagabel ya asina tur hende tin e posibilidat pa partisipá. Bliss lo ta un “perfect fit”!
Bliss ta pa tur esnan buskando un grupo pa selebrá Karnaval na un manera úniko ku stail i ku hopi energia.

Bliss tin 3 diferente sekshon/ trahe: Sexy, General, Vip/Luhoso.

Sòru pa bo “Be a Bliss” den tema Art Deco pa bo lusi, classy but sassy, ta den ambiente lit di E.R.A. i keda ku un sintimentu blissful den Karnaval. Bliss Curaçao ta e eskoho lógika pa e eksperensia total di Karnaval 2018.
Tuma kontakto ku Bliss, p’asina bo no keda afó pa sekshon Sexy i General, yama òf app Shadira Zimmerman +5999 521-5837 òf Kenny Chin-a-Lien +5999 560-9250
Sekshon Vip/ Luhoso ta na enkargo di Grupo di Karnaval ‘Entre Nos’ ku e aña aki tin sekshon di VIP di Art Deco. Kada Karnavalista den e sekshon aki tin un diseño úniko, ku por wòrdu skoh’e for di un kolekshon di trahe selektá spesialmente pa bo lusi kuné durante gran Marcha di 2018.

Pa mas informashon i detaye  sin ningun kompromiso pa  sekshon Vip/Luhoso yama òf app na! Sandra Martha +5999 695-8981, Rudson Cecilia +5999 694-5746 òf Wladimier Domitili +5999 667-0673 no lubidá di like e página di facebook Bliss Curaçao.