WILLEMSTAD.- Mañan te fecha pa e ‘Parada di Baiskel ku Lus’. Bo tin bo baiskel kaba i bo karchi, pues bo ta kla pa ban trapa kore baiskel sin solo riba e ruta di Karnaval.
Pa 6 or di atardi ta sali for di Pizza Hut i move riba tono di dj’s ku lo trese e ambiente den kaya. Na SVB lo tuma un break, dal un ko’i bebe i sigui e ruta bèk pa kaba na Pizza Hut pa 11 or di anochi. Si ainda bo no tin bo karchi buska di bo na puntonan di benta, 24 uur uit de muur, Beep Beep i Mensing’s Caminada pa solamente 35 florin. Bo ta haña bo pakete ku ta inkluí un T-shirt i dos lus pa pega na bo baiskel. Di mes bo por dòrna bo baiskel manera bo kier tur na lus. E baiskel mas bunita dòrná lo gana un pasashi pa St. Maarten.