WILLEMSTAD.- Djis imaginá bo yu ta sea kanta, baila, deklamá òf presentá riba e tarima di Freewinds kaminda diferente artista lokal i internashonal sa presentá. Danny Yanga ta duna e muchanan di Kòrsou e oportunidat aki den temporada di fakansi ku ta bai kuminsá kaminda tur mucha tin energia pa ranka sali ku un tremendo temporada pa dibertí, disfrutá i pa asina yega na e energia pa e aña eskolar nobo.
Danny Yanga Foundation ku e aña aki ta focus riba nos muchanan a hinka un tremendo fakansi plan den otro i pa koroná e obra e ta finalisá ku un tremendo show kaminda e muchanan mes ta presentá riba Freewinds.
Danny Yanga ta konosí pa su tremendo shownan i alabes kon e ta hinka e shownan di mucha den otro ku e toke internashonal. Si bo ke pa bo yu partisipá den e show riba di Freewinds aki ta fásil, mester yama i paga pa e inskripshon (tin un regla chikitu mas). Ensayonan ta di djasabra 7 di yüli te ku dia 10 di yüli.
Danny Yanga Foundation ta kere ku nos muchanan mester rekreá i pa asina nos muchanan ta mas sosial, aktivo i alabes hasi algun aktividat ku por siña algu di dje sigur den e temporada di fakansi. Pa mas informashon pa e yu partisipá por yama awe mes 521-3700 òf 560-6225.