Krioyonan den MLB

Xander “X-Man” Bogaerts (Boston Red Sox) a bai di 4-2 ku 2 kareda anotá i 1 kareda empuhá. El a konektá su di 28 honron di temporada i su di 45 doblete di temporada. El a risibí 1 base por bola tambe. 45 doblete ta igualá su sifra di 2018 ku ta e total di mas haltu den su karera. Esaki e lo bai surpasá fásilmente. Su 28 honron nan ya ta e kantidat mas haltu di su karera

Jonathan “Mamba” Schoop (Minnesota Twins) a bai di 4-1 ku su di 19 honron di temporada

Andrelton “Simba” Simmons (Los Angeles Angels) a bai di 2-1 ayera ku 1 base por bola risibí. Manera semper ta laga parse ku un hungada ta fásil den defensa ku bunita atrapada

Ozhaino Albies (Atlanta Braves) a bai di 5-1 ku 1 kareda empuhá. El a konektá su di 35 doblete di temporada i tambe empuhá su di 70 kareda kasi igualando su sifranan di 2018 kaba

Jurickson “El Patron” Profar (Oakland A’s) a bai di 2-0 ku 2 base por bola risibí. El a roba su promé base di temporada

Kenley “Kenleyfornia” Jansen (Los Angeles Dodgers) no a mira akshon ayera

Didi “Sir MJG” Gregorius (New York Yankees) no a mira akshon ayera. A haña algun dia di sosiegu pa rekuperá un poko di e ‘deadball’ risibí den e wega di djadumingu ku a pone ku e mester a sali for di wega

 Na Hapon

Coco Balentien (Yakult Swallows) a bai di 4-1 konektando su di 27 honron di temporada

 Lupa riba Liga Menor

Kevin Jospehina i Shean Michel (Florida Fire Frogs, afiliashon Klase A di Atlanta Braves) Josephina a bai di 3-2 ayera ku 1 kareda empuhá. El a konektá su di 20 doblete di temporada. Michel a bai di 3-1 ku 1 kareda anotá. E tabatin un asistensia for di outfield, sakando e koredor out na segunda

Hendrik Clementina, C (Daytona Tortugas, afiliashon Klase A Avansa di Cincinnati Reds) a bai di 4-4 ayera ku 2 kareda empuhá i 1 kareda anotá. El a konektá su di 14 honron di temporada i su di 13 doblete

Juremi Profar, 1b (Frisco Roughriders, afiliashon Dòbel A di Texas Rangers) a bai di 2-2 ku 4 kareda empuhá i 2 base por bola risibí. El a konektá su di 21 doblete di temporada. E tabatin un fly di sakrifisio tambe

Ademar Rifaela, OF (Norfolk Tides, afiliashon Tripel A di Baltimore Orioles) no a mira akshon ayera

Sherten Apostel, 3b (Down East Wood Ducks, afiliashon Klase A Avansa di Texas Rangers) a bai di 4-1 ayera ku 1 kareda anotá i 1 base por bola risibí

Calten Daal, 2b (Chattanooga Lookouts, afiliashon Dòbel A di Cincinnati Reds) wega a keda kanselá pa motibu di áwaseru

Shervyen Newton, INF (Columbia Fireflies afiliashon Klase A di New York Mets) a bai di 2-0 ayera ku 1 base por bola risibí

Stephan Vidal, C (Idaho Falls Chukars, afiliashon Rookie di Kansas City Royals) no a mira akshon ayera

Jonathan Willems, 2b (Billings Mustangs, afiliashon Rookie di Cincinnati Reds) a bai di 4-1 ayera

Edmond Americaan, OF (Eugene Emeralds, afiliashon Klase A di Chicago Cubs) no tabatin wega ayera

Dashenko Ricardo, C (Durham Bulls, afiliashon Tripel A di Tampa Bay Devil Rays) no a mira akshon ayera

Junior Martina, Inf (GCL Nationals, afiliashon Rookie di Washington Nationals) a bai di 5-1 ayera ku 1 kareda empuha

Aldrich de Jong, OF (Ogden Raptors, afiliashon Rookie Avansa di Los Angeles Dodgers) a bai di 3-1 ayera ku 1 kareda anotá den promé wega di dia. Den e di dos wega tambe a bai di 3-1 ku 1 kareda anotá i otro empuhá

Richgelon Juliana, OF (AZL Giants Black, afiliashon Rookie di San Francisco Giants) temporada a finalisá

Givaine Basilia, IF (AZL Athletics Green, afiliashon Rookie di Oakland Athletics) temporada a finalisá

Ceddanne Rafaela, IF (GCL Red Sox, afiliashon Rookie di Boston Red Sox) wega a keda kanselá pa motibu dia áwaseru

Tilsaimy Melfor, IF i Orsen Josephina, P (GCL Pirates, afiliashon Rookie di Pittsburgh Pirates) Melfor a bai di 3-1 ku 1 kareda anotá. Josephina a gana su di 3 wega di temporada (3-1) tirando 3 ining sin permití kareda ni hit i poncha 5 bateadó

Gianfranco Wawoe, Inf i Kirvin Moesquit, OF (Southern Illinois Miners, Liga Independiente) Wawoe a bai di 5-0 ayera. Moesquit a bia di 4-3 ku 1 kareda anotá. El a konektá su di 4 doblete di temporada

Shairon Martis, Curt Smith i Randolph Oduber (Lincoln Saltdogs, Liga Independiente) no tabatin wega ayera pero e ekipo a renobá e kontrakt nan di tur tres hungadó, Martis, Smith i Oduber pa próksimo temporada

 Play of the Day