LONDON, (AP).- Pagadónan di kandela djamars a kombatí un kandela inmenso den un edifisio di apartamento.   Hinter e edifisio tabata na kandela. 40 branspùit i 200 bombero a trata na paga e kandela den e edifisio Grenfell Tower ku ta keda n’e parti ost di e siudat.  Bomberonan a duna di konosé ku tabatin kandela for di e di dos piso te na piso 27. Dos persona a keda tratá den e lugá debí ku nan a inhalá kantidat di  huma. Por a mira personanan hasiendo seña ku lantèrna di manera ku nan por keda reskatá. E kuerpo di reskate a realisá un trabou inkreibel pa trata na saka e hendenan.