WILLEMSTAD.- Ayera nochi na Lanthùis Brakkeput Mei Mei a tuma lugá e konsierto ‘Un regalo di Pasku na Pueblo di Kòrsou’ presentá pa Junior All Star Orchestra.
Dilanti di un bon públiko e hóbennan di e orkesta ku ta kai bou dje proyekto ‘Instituto pa Formashon Musikal’ a duna un presentashon di kansionnan di Pasku.
Riba e anochi aki tabatin presentashon tambe di hóbennan ku ta studia brass ku a forma parti dje sekshon di brass dje orkesta.
Artistanan invitá manera Urvin Jano i Henry Bernadina tambe a forma parti dje show.
E konsierto di ayera nochi a keda grabá i ta e intenshon pa den dianan di fiesta e konsierto keda presentá na kanalnan di televishon lokal.
Riba fotonan nos por apresiá algun imágen dje konsierto. ‘DEN E BEMBE’ ta invitá bu tambe pa bishita e wèpsait di EXTRA, www.extra-v2.mystagingwebsite.com pa dje forma ei bo por mira mas potrèt dje tremendo konsierto aki.