ULANDA.- E komedia ‘Bon Bini Holland 2’ a keda galardoná komo un pelíkula ‘Platino’, asina ‘Nederlands Film Festival’ a duna di konosé djaluna último.
E pelíkula ku e kómiko yu di Kòrsou, Jandino Asporaat ku e ròl prinsipal den tres siman di tempu a logra di atraé 400 mil bishitante, esaki segun e ‘Nederlands Film Festival’ ta un prestashon úniko.
Dos siman pasá e pelíkula a risibí kaba un galardon di ‘Oro’ debí ku mas ku 100 mil hende a mira e pelíkula.
‘Bon Bini Holland 2’ ta e di dos pelíkula ku aña pasá a logra un galardon di ‘Platino’. ‘Bankier van het Verzet’ tabata e promé pelíkula ulandes ku a logra di atraé 400 mil bishitante den 2018.