ORANJESTAD.-Polis di Aruba ta informa ku ayera nochi sentral di polis a haña notifikashon di un atrako ku a kaba di tuma lugá na un kas na Madiki.

Na yegada di e promé patruya polisial nan a haña informashon ku dos hende hòmber bistí tur na pretu a drenta e kas i a kometé e atrako riba e víktima. Un di nan tabatin un arma di kandela den su man. Despues nan a hui bai for di e sitio den un outo kolo shinishi skur.

E atrakadónan a bai ku un suma di 10 mil florin.

Polis di Aruba ta pidi tur esnan ku por sa algu of a mira algu pa nan por tuma kontakto ku polis 11141 i duna bo aporte.