ORANJESTAD.-Ayera nochi banda di 20 pasá di ocho ‘radarkamer’ di Kuerpo Polisial a interseptá un boto ku a drenta awanan teritorial di Aruba di forma ilegal for di Venezuela. E diferente departamentunan di polis i helikòpter a uni forsa i a start un persiguishon di e boto pa despues di logra para e boto a topa ku 24 persona indokumentá na bordo.

A dirigí e boto pa Barcadera pa mas investigashon. A detené e kapitan i tripulashon i entrega esakinan na e unidat di ‘mensenhandel mensensmokkel recherche ku ta sigui ku mas investigashon.