WILLEMSTAD.- Ora bo tin kustumber di bai kanta ‘surprise party’ pa bo fanátikonan, bo ta kana drenta fiesta na grandi interpretando un di bo éksitonan.
Awor si bo famia i amigunan ke sorprendé bu ku un fiesta, ki nan tin ku hasi? Masha fásil, kontratá bu pa bin kanta pa un fanátiko. Drecha tur kos i sinta warda bu yega bon konfiá.
Esei ta loke ku a pasa ku Boy Thode siman pasá ora ku el a drenta bon konfiá kantando i tuma nota manera el a drenta ku ta su famia mes ta para ward’é.
Un tremendo sorpresa ta loke ku el a risibí i no a ked’é nada otro ku hari i disfrutá dje momentu dushi ku bo famia ta duna bu e atenshon ku bo meresé. Potrètnan pa kortesia di www.kitatin.com.