WILLEMSTAD.- Francis Mollis, konosido músiko i lider di brasbènt aki na Kòrsou a
fayesé. Despues di un lucha ku malesa e hóben músiko ta pèrdè e bataya.
Konosí tambe komo un gran fanátiko di Gio Fuertisimo, Francis pa un tempu tambe tabata forma parti dje tim di kargadónan di instrumènt dje banda.
Ayera a bira konosí ku Francis a bai laga nos i mesora bo por a tuma nota kon sigur riba Facebook un kantidat di amigunan di brasbènt i tambe otro amigunan i konosínan a lamentá morto dje hóben aki.
Nos mas sentido palabranan di kondolensia ta bai na famia, amigunan i tur e músikonan ku a kompartí kuné e loke e tabata gusta masha hopi mes ku ta toka i forma parti di un brasbènt.