ATLANTA.- Atlanta Braves ayera a sali pèrdè su promé wega dje seri kontra di Philadelphia Phillies. Ounke e ekipo a skor tres kareda den bòm di nobeno inning riba homerun di Olson, nan a keda nèt kòrtiku i a kai ku skor di 7-6 kontra di Philadelphia.

Phillies hopi trempan a kue bentaha den e wega i dado momento a span e wega te na 7-1. Ku dos kareda den di 5 i 3 den di nuebe Braves ta yega poko serka, pero nèt no sufisiente pa empatá e wega. Kenley Jansen no a mira akshon den e partido.

Viktoria yankee

Yankees a start playoff ku Gerrit Cole tirando huma i e bombardeonan di Bronx a konektá e bala bon. Harrison Bader i Anthony Rizzo a bati homerun, Cole a dominá durante kasi hinter e anochi i Yankees a gana 4-1 di Cleveland Guardians den e promé wega dje seri divishon di Liga Amerikana.

Yankees den postemporada for di 2017 pa awor a gana seis wega siguí kontra di Cleveland.

Den otro partido, Houston Astros gana 8-7 di Seattle Mariners mientras ku te 12 or di anochi LA Dodgers tabata 5-3 ariba kontra di San Diego Padres.

Weganan p’awe:

16:35: Phillies v/s Braves.

20:37: Padres v/s Dodgers.